أنا بحب الأكل جدا من صغري وأنا سمينة طبعا كنت بعمل رجيم وحتى أصل للضعف وقبل الوصول للوزن المثالي بكم كيلو يكون عندي شراهة مفرطه وآكل كثيرا، في اقل من ثلاثة أشهر أكون رجعت أسمن من الأول واستمر الحال ده ١٠ سنين أضعف وأسمن لغايه ما زهقت خالص وبطلت أعمل دايت ليا سنتين باكل بشراهة وزني زاد جدا وشكلي بقي مش مقبول، بطلت أطلع من البيت بس الأيام دي بقيت مش طايقة السمنة، بالذات أن لبسي الصيفي كله ضاق ومعنديش غير طقم واحد بس اللي مقاسي ورحت أدوّر على لبس مش لاقيه مقاسي. قررت أعمل دايت مفيش إراده خالص وكل يوم أقول بكره أو بعده أو الأسبوع الجاي وهكذا مش عارفه اعمل إيه، مع العلم أني معنديش أي مرض عضوي، ولما بعمل دايت بخس على طول، بس المشكلة في الإرادة وإن أنا بزهق بسرعه عايزة دايت شهر أو شهرين وخلاص مبحبش البال الطويل ده<?xml:namespace prefix = "o" ns = "urn:schemas-microsoft-com:office:office" />
أشكر لكِ سؤالك، واسمحي لي أن أقول إنك لست وحدكِ فهذه شكوى الكثير من الناس، وكونك تنجحين في التخلص من الوزن الزائد فهذا يعنى أنك قادرة على الاستمرار في المحافظة على وزنكِ بعد الريجيم، لكن الموضوع يحتاج لزيارة الطبيب المتخصص في مشكلات السمنة لتقييم ما يلي: - حالة الهرمونات والغدد. - أسلوب الحياة والأكل. - آليات وطرق التحفيز والتشجيع (تقوية الإرادة).
ولا تفكري في إجراء أي عمليات جراحية إلا بعد هذه الزيارة، وكذلك الاهتمام بالتواصل مع الإيجابيين من العائلة والأصدقاء، وكذلك الاستفادة من الصيام والدعاء في رمضان، لأنه يقوي الإرادة، كما هو مثبت بالدين والعلم. خالص تحياتي..