تقلبات مزاجية وأعاني والطبيب لا يفهمني

عمري ١٧ عام.. أعاني منذ نحو سنتين من اكتئاب مستمر، وحالات متفرقة من السعادة المفرطة الغريبة كنشاط زائد وبرودة بالأطراف.. الاكتئاب يأتي ويذهب لكن على فترات طويلة.. من الممكن أن تمر علي أيام بمزاج عادي، وحالتي طبيعية عادي، بس آخر سنة وآخر فترة بالتحديد فقدت الإحساس بشيء اكتئاب مستمر يسلب مني كل طاقتي.. استشرت طبيب نفسي وقال إنها تقلبات متعلقة بالعمر، واني مراهقة، واني بفكر زيادة، وإن الغلط مني ومافيني شيء وعم أتوهم.. ومن وقتها حاسة بالاستخفاف بوضعي، وإني فعلا عم أتوهم بس انكسر كبريائي فعلا ومن وقتها ماعد شكيت لحدا.. خبرت أختي من فترة شي ٦ أشهر وخبرت أمي من كم شهر.. أختي الكبيرة بالخارج، وأخدت استشارة أحد العاملين معها بمجال الدعم النفسي، وقال انه ممكن يكون في اضطراب مزاجي.. وسألت دكتورة نفسية فرنسية على النت وقلتلها كل التفاصيل قالتلي من الواضح عندي اضطراب ثنائي قطب من الدرجة ٢ لكن من المهم تشخيص بشكل مباشر لتحديد ما إذا كان فعلا هيك أم لا.. قرأت عنه وتثقفت عنه وحسيت إني فاهمة حالي أكتر وسيطرت على كتير حالات ونوبات تحت هوسية كما تسمى بعد ما عرفت أنا شوفيني، ووضعي أحسن من قبل لأن حسيت على الأقل أني طبيعية وإن في ناس عندهم نفس الحالات وإن ماعم أتوهم.. بالنسبة للطبيب النفسي.. أنا مابدي أروح لانه مافي بسوريا دكاترة متاح وخصوصا نساء.. ومافيني روح هلا أساسا أنا في ٣ ثانوي وامتحاني على المحك.. وأمي مو متفهمة الوضع كتير.. وعم تضغط علي بالأوامر ووضع الدراسة.. عندي مشاكل بالذاكرة.. حفظي صاير صعب عكس قبل.. تشتيت.. مافي تركيز.. بعض الحالات النادرة كسماع أصوات ناس تصرخ .. خوف من مستقبل مجهول رغم انه عندي شغف بكلية اللغة الفرنسية بس وضع البلد سيء، والعلم بكلية الآداب سيئ، رغم إني قلبت أدبي مشان حقق اللي بدي ياه بس مالقيت مقابل.. ورغبة بالاستقلال والعيش وحدي.. أفكار متضاربة ورغبات صعبة للتحقق كشخص بعمري.. ماعندي سؤال بس بتمنى إرشاد أو نصيحة ما بعرف.. أفكار الانتحار ماعندي ياها حالياً.. أنا بدي عيش بس.. أنا بالأصل حاسة إني ميتة.. بالنهاية ماتعرضت لصدمة بحياتي كبيرة لنقول أثرت فيني.. أحداث الحرب بسوريا وإني طلعت من بيتي بعمر صغير كان عمري ٩ سنين.. وشكراً.<?xml:namespace prefix = "o" />