نزول دم في غير موعد الدورة

السلام عليكم، أنا عزباء، ونزل علي دم بقالي يومين والنهاردة التالت، ولسه ميعاد البريود باقي عليه 15 يوما، والدم عبارة عن قطع متوسطة بتنزل مع البول.. إنما في الحفاضة بتنزل حاجة بسيطة جداً وكان في وجع أول يومين عادي مستحملاه بالنسبة لوجع البريود فهو كويس مش وجع جامد دلوقتي، وللعلم كنت قبل ما الدم بينزل بيوم عملت مجهود جامد جداً وهو إني زقيت دولاب و2 سرير.. فده إيه والصلاة والصوم هيبقى إيه؟

الأخت الكريمة.. أهلا بك، 

بالنسبة لتوقيت نزول الدم وهو منتصف الدورة فقد يكون بسبب متلازمة أعراض التبويض، وهي نزول قطرات دم بسيطة وسط الشهر في اليوم 12-16 من بدء الدورة، ويسمى MID-CYCLE SPOTTING، وكذلك تزيد كمية الإفرازات من عنق الرحم، مع وجود ألم حاد في الحوض، ويلاحظ أن الألم يأتي شهرا في الجهة اليمنى وشهرا في الجهة اليسرى بالتبادل، وكل الأعراض السابقة تعتبر مؤشرا جيدا على وجود تبويض ولا يلزم لها علاج. 

أما إذا زاد الألم وأصبح غير محتمل، أو زاد نزول الدم وتحول إلى نزيف، أو زادت الإفرازات وصاحبتها رائحة كريهة.. فكل هذا مؤشر لمشكلة عضوية قد تكون لحمية في الرحم مثلا أو عنق الرحم، أو ورما ليفيا أو أي مشكلة أخرى تتطلب الفحص والتشخيص ثم العلاج.

ونتمنى لك الصحة والسعادة.