نفسية
14 مارس 2018

حياتي عبارة عن مشاكل في مشاكل

احب اعرفك بيا الاول يا دكتور.. انا محمد من الجيزه عندي 20 سنه مش عارف بصراحه ابدا منين، بس انا حياتي اصلا عبارة عن مشاكل على طول في مشاكل يا دكتور . واولها اني مش بعرف اعبر عن الي جوايا ف كل حاجه يا دكتور يعني وساعات مش بعرف ارد ولا اتواصل مع الناس تركيزي مش بيستمر ف حاجه اكتر من دقيقه او اتنين من كتر التشتت وانا شخص انطوائي وبحب ابقي لوحدي جدا بس كدا يا دكتور ياريت ترد عليا وتقولي انا فيا ايه عشان انا تعبت قوي ولله
الطبيب:

أ.د.

نفسية
أهلا يامحمد؛
عارف يامحمد انت محتاج إيه.. محتاج حاجات تبدو بسيطة جدا.. محتاج تقبل تفسك زي ماهي كلها على بعضها.. وتحبها كلها على بعضها بدون شروط.. ومحتاج تصدق إنك تستاهل.. حاجات تبدو سهلة وبسيطة لكن محتاجة شغل كثير على نفسك.. يامحمد انت تستاهل تتشاف وتتقبل وتتحب.. ومحتاج تسمح لنفسك تصدق ده، ومحتاج تبطل تحكم على نفسك هذه الأحكام القاسية، والاستشارة التالية فيها تفاصيل أكثر وهاتفيدك:

القبول والمسؤولية.. خطواتك لنفسك الحقيقية
الاحتياج للقبول.. هل يمكن العودة إلى الجنة؟
آخر تعديل بتاريخ
14 مارس 2018