10 ديسمبر 2018
أنا بنت طموحة جدا وأمي تحبطني
أنا بنت طموحة جدا، وبكره التفكير العنصري ضد البنات، وللأسف ماما كده. علاقتي بماما بقت سيئة جداً، وبقي في دايما خناقات ما بينا وأغلبها بسبب التفرقه ما بين المهام اللي بتطلب مني، واللي بتطلب من أخويا، نفسي ماما تؤمن بأحلامي وتهتم بي.. اتعلمت برمجة مواقع لوحدي من علي النت ومقولتلهاش غير لما خلصت أول موقع لي، ومحستهاش مهتمه باللي عملته وندمت أني قولتلها، وبقيت بمارس العاده السرية علشان أعرف أنام من غير ما أعيط.
الابنة الجميلة سارة؛
أنا فخورة بيكي.. فخورة بجد.. وحاسة بالصعوبات اللي انت بتواجهيها مع ماما ومع مجتمع بيفرض قيوده علينا.
واللي أقدر أنصحك بيه انك صدقي في نفسك.. وأدعميها.. ودوري حواليكي على اللي ممكن يقدم ليكي الدعم ده.. ممكن يبقى خال أو خالة.. عم أو عمة.. جد أو جدة.. أو حتى مدرسة مش لازم ماما دلوقت طالما لسه مش قادرة تشوف.. وأنا عارفة قد ايه اللي بقوله ده صعب.. لانك محتاجة ده منها هي تحديدا.. لكن خلينا نتفق على انها في يوم من الأيام هاتقدرك وهاتفهم.. لكن انت مش هاتقدري تنتظري لحد ما اليوم ده ييجي.. دوري حواليكي على حد يديكي هذا الدعم.. والشخص ده نفسه لو لقتيه هو اللي ممكن مع الوقت يأثر على ماما.
اقــرأ أيضاً
ماما معذورة.. هي اتربت كده.. اتربت على ان الست مالهاش إلا الجواز.. وان البنت بتخدم أخوها.. أنا مش ببرر لها.. إطلاقا.. أنا بس كل اللي بحاول أقوله انه صعب انها تتغير بسهولة.. وانت ليكي احتياجات عاجلة.. خذي احتياجاتك من اللي يقدر يعطيكي هذه الاحتياجات.. لحد ما ييجي اليوم وماما تفهم وتقدر وتغير نظرتها.
استمري وكوني نفسك.. قربي منها.. اعرفي احتياجاتها وصدقي انها تستاهلها وأطلبيها.. وأنا في انتظار ابداعاتك في مجال البرمجة.
أنا فخورة بيكي.. فخورة بجد.. وحاسة بالصعوبات اللي انت بتواجهيها مع ماما ومع مجتمع بيفرض قيوده علينا.
واللي أقدر أنصحك بيه انك صدقي في نفسك.. وأدعميها.. ودوري حواليكي على اللي ممكن يقدم ليكي الدعم ده.. ممكن يبقى خال أو خالة.. عم أو عمة.. جد أو جدة.. أو حتى مدرسة مش لازم ماما دلوقت طالما لسه مش قادرة تشوف.. وأنا عارفة قد ايه اللي بقوله ده صعب.. لانك محتاجة ده منها هي تحديدا.. لكن خلينا نتفق على انها في يوم من الأيام هاتقدرك وهاتفهم.. لكن انت مش هاتقدري تنتظري لحد ما اليوم ده ييجي.. دوري حواليكي على حد يديكي هذا الدعم.. والشخص ده نفسه لو لقتيه هو اللي ممكن مع الوقت يأثر على ماما.
ماما معذورة.. هي اتربت كده.. اتربت على ان الست مالهاش إلا الجواز.. وان البنت بتخدم أخوها.. أنا مش ببرر لها.. إطلاقا.. أنا بس كل اللي بحاول أقوله انه صعب انها تتغير بسهولة.. وانت ليكي احتياجات عاجلة.. خذي احتياجاتك من اللي يقدر يعطيكي هذه الاحتياجات.. لحد ما ييجي اليوم وماما تفهم وتقدر وتغير نظرتها.
استمري وكوني نفسك.. قربي منها.. اعرفي احتياجاتها وصدقي انها تستاهلها وأطلبيها.. وأنا في انتظار ابداعاتك في مجال البرمجة.
آخر تعديل بتاريخ
10 ديسمبر 2018