23 أغسطس 2018
أعاني من الرعب عند أي مواجهة
أعاني من الخوف الشديد من الناس، لدرجة أنه إذا زعقت مع أي شخص حتى ولو كان أصغر مني ترتعش أعضائي، ويكاد قلبي ينخلع، وزيادة مرعبة فى إفراز الأدرينالين، ولا أستطيع تحريك لساني حتى بالكلام، وتنشل يداي ورجلاي بالإضافة إلى العديد من الأفكار السلبية، وزيادة الوساوس القهرية.. فما الحل؟ أرجو منكم إرسال الإجابة لي على الإيميل وجزاكم الله خيراً.
الأخ الكريم أحمد سعد؛
أهلاً ومرحباً بك، ونشكرك على ثقتك في موقع صحتك؛
تفتكر مين اللي بيرتجف ويترعش أمام أي حد حتى لو اصغر منه.. هل هو أحمد الكبير اللي عنده 27 سنة؟ ولا أحمد الطفل الصغير اللي ممكن يكون اتعرض لأذى من المحيطين؟ أحمد الطفل الصغير اللي اتأذى وهو صغير واللي غالبا اتعرض لحاجات كانت صعبة جدا عليه - مش مهم هي إيه - بس المهم ان ده حصل واتعرض لحاجات كانت أصعب من قدرته على الاحتمال فكان بيبقى مرعوب.
اقــرأ أيضاً
الطفل المرعوب ده مازال عايش جواك، ورغم انك كبرت وطورت أدواتك ومهاراتك، إلا انه قاعد جواك ساكت لكنه منتظر أي إشارة تنبيه لانه ممكن يتعرض للخطر ثاني زي ما كان بيتعرض وهو صغير.
اللي بيرتجف مش أحمد الكبير ده أحمد الطفل الصغير، وهو دلوقت محتاج منك تطمنه، محتاج تتواصل معاه وتقوله ماتخافش، أنت جوايا وأنا مسؤول عن حمايتك.
اقــرأ أيضاً
ورغم بساطة الكلام اللي أنا بقوله إلا انه محتاج يتعمل في وجود معالج نفسي، وعلشان كده بطلب منك انك ما تستسلمش لوجعك وألمك، وأنك تدور وبسرعة على معالج شاطر يعرف يساعدك.. تحرك الآن وطمني عليك.
أهلاً ومرحباً بك، ونشكرك على ثقتك في موقع صحتك؛
تفتكر مين اللي بيرتجف ويترعش أمام أي حد حتى لو اصغر منه.. هل هو أحمد الكبير اللي عنده 27 سنة؟ ولا أحمد الطفل الصغير اللي ممكن يكون اتعرض لأذى من المحيطين؟ أحمد الطفل الصغير اللي اتأذى وهو صغير واللي غالبا اتعرض لحاجات كانت صعبة جدا عليه - مش مهم هي إيه - بس المهم ان ده حصل واتعرض لحاجات كانت أصعب من قدرته على الاحتمال فكان بيبقى مرعوب.
الطفل المرعوب ده مازال عايش جواك، ورغم انك كبرت وطورت أدواتك ومهاراتك، إلا انه قاعد جواك ساكت لكنه منتظر أي إشارة تنبيه لانه ممكن يتعرض للخطر ثاني زي ما كان بيتعرض وهو صغير.
اللي بيرتجف مش أحمد الكبير ده أحمد الطفل الصغير، وهو دلوقت محتاج منك تطمنه، محتاج تتواصل معاه وتقوله ماتخافش، أنت جوايا وأنا مسؤول عن حمايتك.
ورغم بساطة الكلام اللي أنا بقوله إلا انه محتاج يتعمل في وجود معالج نفسي، وعلشان كده بطلب منك انك ما تستسلمش لوجعك وألمك، وأنك تدور وبسرعة على معالج شاطر يعرف يساعدك.. تحرك الآن وطمني عليك.
آخر تعديل بتاريخ
23 أغسطس 2018