22 يناير 2021
هشاشة عظام وكسر في مفصل الحوض.. تبديل المفصل؟
أنا عملت حادثة في شهر 6 اللي فات واتشخصت بأن في كسر في مفصل الحوض وعملت عملية تركيب شرائح ومسامير واتضح أن عندى هشاشه العظام... وهكمل 6 أشهر قريبا، والدكتور اللي بتابع معاه قاللي الأشعه كويسة جدا وابدئى المشي واحدة واحدة، الكلام دا في آخر شهر 11 بس لسه مبعرفش أمشى وكل تحركاتي بالمشاية مش عارفة أمشي بالعكاز، مش عارفة دا خوف ولا إيه بس مش عارفه، ومفيش ألم في المشي بس مش عارفة أمشي غير بالمشاية....بعت الأشعه لدكاترة تانيين وهم التلاتة أجمعوا على أن لا لسة مفيش اكتمال للالتئام، العظمة غير ملتئمة كليا، وفي اللي قال هتحتاج تغيير مفصل الحوض. فأنا أعمل إيه دلوقتي حضرتك تنصحني بإيه؟؟؟
السيدة الفاضلة؛
من الواضح أن الوضع مستقر، لأنه لا يوجد ألم مع الحركة أو النوم. لكن، إذا كان هناك شك في درجة الالتئام، أنصح بعمل أشعة مقطعية لتحديد درجة الالتئام بدقة، وبناء عليها يكون القرار إما التحميل بكل ثقة أو التحميل الجزئي حسب درجة الالتئام. والعلاج الطبيعي مهم لعودة التوازن العضلي وقوة العضلات، بل وكذلك الالتئام نتيجة لتنبيه العظام وتقوية الأنسجة. وتغيير المفصل يحدث عند تآكل المفصل تماما وعدم القدرة على الحركة أو النوم بدون مسكن قوي للألم، ولا أعتقد أن هذه هي الحالة الآن طبقا للمعلومات المتوفرة.
من الواضح أن الوضع مستقر، لأنه لا يوجد ألم مع الحركة أو النوم. لكن، إذا كان هناك شك في درجة الالتئام، أنصح بعمل أشعة مقطعية لتحديد درجة الالتئام بدقة، وبناء عليها يكون القرار إما التحميل بكل ثقة أو التحميل الجزئي حسب درجة الالتئام. والعلاج الطبيعي مهم لعودة التوازن العضلي وقوة العضلات، بل وكذلك الالتئام نتيجة لتنبيه العظام وتقوية الأنسجة. وتغيير المفصل يحدث عند تآكل المفصل تماما وعدم القدرة على الحركة أو النوم بدون مسكن قوي للألم، ولا أعتقد أن هذه هي الحالة الآن طبقا للمعلومات المتوفرة.
