22 يوليو 2018
سقطت في الثانوية وتدمرت
أنا كنت من الاوائل دايما بس جيت ف الثانوية السنة اللي فاتت وسقطت مش عارفة إزاى.. فاتدمرت نفسيا.. ومقدرتش أذاكر السنة دى غير قبل الامتحان بشهر، وعملت أقصي جهدي، فدخلت الامتحان نسيت كل اللي ذاكرته، وبقيت بتمنى النجاح بس رغم إنى كنت مخلصه المناهج مذاكرة، وفي مادة كمان مش ضامنة النجاح فيها، أنا مرعوبة بطريقة غريبه؛ لأن الموضوع حياة أو موت بالنسبة لي.. لو حصل حاجة.. والانتحار في بالي كفكرة مش تنفيذ.. بس خايفة يتطور لأن كل شوية يجيلي احساس انى مش عايزة ابقي موجودة، أعمل إى عشان أهدي وأطلع من اللي أنا فيه أو أغير تفكيري لأن التفكير كله سلبي
الابنة منة؛
حاسة بيكي يابنتي.. وعارفة قد ايه احساس الفشل لأول مرة بعد سنوات من التفوق والنجاح ممكن يكون مؤلم قد ايه.. وخصوصا لما يحصل ده في بيئة بتوزن قيمتنا بمجموع درجاتنا.
اقــرأ أيضاً
بس قبل ما أتكلم معاكي محتاجة أقول طالما فيه حزن شديد ووإحساس بعدم جدوى الحياة فده معناه انك محتاجة دعم نفسي متخصص.. روحي يابنتي لبابا وماما وقوليلهم انك تعبانة وانك محتاجة تروحي لمعالج.. اشرحي لهم اللي بتمري بيه.. ودوري على معالج شاطر يكون بيعمل جلسات، ولو عرفت تلاقي مجموعة علاجية هايفرق معاكي جداً.. ومهم جدا تعملي ده قبل النتيجة ماتظهر.. ما تنتظريش.
اقــرأ أيضاً
الحاجة المهمة اللي محتاجة أؤكد عليها يامنة أهم بكثير وأكبر بكثير من أي شهادة وأي درجات.. ماتختزليش نفسك في الشهادات والدرجات.. لما بتقدري قيمة نفسك بتعرفي ان الحياة فيها كل النجاح والفشل.. عمر ما حياتنا هاتبقى نجاح على طول وعمرها ما هاتبقى فشل على طول.. وعلينا نعتبر كل فشل خطوة نحو النجاح.
اقــرأ أيضاً
وكلامي ده مش معناه إني بنكر عليكي انك تتألمي وتحزني لما تفشلي أو ماتحققيش اللي انت عاوزاه.. لا إطلاقا.. المهم إن الفشل مايكونش النهاية.. ودمت موجودة وجود حقيقي وكامل.. وأنا معاكي ومحتاجة أطمن عليكي.
حاسة بيكي يابنتي.. وعارفة قد ايه احساس الفشل لأول مرة بعد سنوات من التفوق والنجاح ممكن يكون مؤلم قد ايه.. وخصوصا لما يحصل ده في بيئة بتوزن قيمتنا بمجموع درجاتنا.
بس قبل ما أتكلم معاكي محتاجة أقول طالما فيه حزن شديد ووإحساس بعدم جدوى الحياة فده معناه انك محتاجة دعم نفسي متخصص.. روحي يابنتي لبابا وماما وقوليلهم انك تعبانة وانك محتاجة تروحي لمعالج.. اشرحي لهم اللي بتمري بيه.. ودوري على معالج شاطر يكون بيعمل جلسات، ولو عرفت تلاقي مجموعة علاجية هايفرق معاكي جداً.. ومهم جدا تعملي ده قبل النتيجة ماتظهر.. ما تنتظريش.
الحاجة المهمة اللي محتاجة أؤكد عليها يامنة أهم بكثير وأكبر بكثير من أي شهادة وأي درجات.. ماتختزليش نفسك في الشهادات والدرجات.. لما بتقدري قيمة نفسك بتعرفي ان الحياة فيها كل النجاح والفشل.. عمر ما حياتنا هاتبقى نجاح على طول وعمرها ما هاتبقى فشل على طول.. وعلينا نعتبر كل فشل خطوة نحو النجاح.
وكلامي ده مش معناه إني بنكر عليكي انك تتألمي وتحزني لما تفشلي أو ماتحققيش اللي انت عاوزاه.. لا إطلاقا.. المهم إن الفشل مايكونش النهاية.. ودمت موجودة وجود حقيقي وكامل.. وأنا معاكي ومحتاجة أطمن عليكي.
