صحــــتك
01 نوفمبر 2018

خوف وقلق ونوبات هلع

مشكلتي اني بخاف بزيادة وعندي قلق بيقلب باكتئاب، وده حصلي من أربع سنين بظبط كنت لسه داخل على مرحلة المراهقة، ولقيت نفسي في اكتئاب قوي بس أنا تجاوزت مرحلة الاكتئاب شوية، بس المشكلة إني مش عارف أعيش لأني خايف أن أي موقف يحطني في اكتئاب تاني فبقلق، وبهرب ساعات لما بعرف عشان موقعش في panic attack تاني، أنا خايف جدا، مش هعرف أروح لدكتور، والموضوع مأثر علي تركيزي جدا، معدتش فيها ذاكرة تقريبا، محتاج دواء ضروري.. أرجوكم ساعدوني.
خوف زايد وقلق ونوبات هلع
أهلاً يا مهند؛
حاسة بيك وباللي انت بتعاني منه، حاسة بخوفك من الاكتئاب ومن نوبات الهلع. بس للأسف ماينفعش نوصف دواء أون لاين. الدواء لازم كشف ومعاينة سريرية، لكن ممكن تقرأ المقالات التالية عن نوبات الهلع:


وممكن تتعلم بدل ما تهرب انك تواجه، وهاقولك ازاي. ممكن وأنت قاعد في أمان جوه أوضتك أو في بيتك، مكان متأكد انه آمن تماما. الأول أقعد مرتاح على كنبة أو كرسي، وبص على الحيطان والأثاث اللي موجود حواليك. ولما تبقى متطمن تماما أنت موجود فين. ابدأ فكر في حاجة بتقلقك بدرجة خفيفة؛ موقف مثلا متكرر وانت عارف انه مقلق.. تصور انك في الموقف ده.. ولما تلاقي درجة قلقك ارتفعت ونبضات قلبك تسارعت.. ارجع ثاني في الأوضة.. بص حواليك.. حس برجليك على الأرض وبجسمك على الكنبة.. وبص على الحيطان واطمن انك في أوضتك وفي أمان.


التدريب ده ممكن تكرره مرة في اليوم.. بس ابدأ دايما بمثير بسيط، وممكن لما تطمن انك بتعرف ترجع لهنا ودلوقت تقدر تزود درجة إثارة المثير.

حاول بالتدريبات المقترحة في المقال، والتدريبات اللي أنا اقترحتها عليك، لكن زيارة المعالج مهمة جدا.. فكر فيها واقنع أهلك بأهميتها.. وأنا معاك وجنبك فتابعني.. ودمت بخير.
آخر تعديل بتاريخ
01 نوفمبر 2018

قصص مصورة

Consultation form header image

هل تحتاج لاستشارة الطبيب

أرسل استشارتك الآن

 

  • ابحث على موقعنا عن إجابة لسؤالك، منعا للتكرار.
  • اكتب بريدك الإلكتروني الصحيح (الإجابة ستصلك عليه).
  • استوفِ المعلومات الشخصية والصحية المتعلقة بالحالة المرضية محل الاستشارة.
  • لن يتم إظهار اسمك عند نشر السؤال.

 

Age gender wrapper
Age Wrapper
الجنس
Country Wrapper

هذا الموقع محمي بواسطة reCaptcha وتنطبق عليه سياسة غوغل في الخصوصية و شروط الخدمة

This site is protected by reCAPTCHA and the GooglePrivacy Policy and Terms of Service apply.