02 فبراير 2019
بنت 17 متعثرة في عقبة الثانوية
أنا دلوقتى عندى 17 سنة، ففى 3 ثانوي بقالي 3 سنين.. بعاني لوحدي بسبب مشاكل.. مش بعرف أحكي ولا أفضفض لحد تعبت من حياتى.. كل سنه بتمر عليا بتضيع حاجه.. كل سنه بخرج منها بخساره جديدة.. والسنة دي لو خسرت حلمى هتبقى دي أكبر خسارة في حياتي.. كل ما أمسك الكتاب أعيط بسبب ومن غير سبب.. حد يساعدني لو سمحتوا.. لأني أنا دايما اللي بدعم نفسى.. وكل مرة بفشل في دعمي لنفسي
الابنة الغالية نهى؛
بصي أنا هاجيبهالك من الآخر.. ما فيش أي خسارة هاتعوضك خسارة نفسك.. انت أهم حد وأهم حاجة في حياتك، وأنت أكبر وأهم من أي دراسة أو عمل أو أي خسارة، ولو انت موجودة هاتعوضي أي خسارة.. لكن خسارة نفسك هي الخسارة الحقيقية.
لو أنت موجودة هاتقدري تقبلي فشلك.. وتقدري تقومي وتقفي بعد الفشل وتكملي طريقك.. ولو انت موجودة وفشلت في تحقيق حلم.. هاتحاولي ثاني وثالث ورابع.. أو تشوفي ان الحلم ده يمكن مش مناسب لك؛ فتقرري تدوري على حلم ثاني.
اقــرأ أيضاً
أنا مبسوطة جدا انك واعية لاحتياجك للدعم.. ومبسوطة إنك كنت شجاعة وتواصلتي معانا.. ومحتاجاكي تكملي في البحث عمن يدعمك.. أنت فعلا محتاجة يانهى وهايفرق معاكي جدا.. انت محتاجة حد يسمعك ويحس بيكي وتشاركيه ألمك من غير مايعطيكي نصائح، ولا يحكم عليكي.. دوري حواليكي شوفي مين ممكن يقوم بالدور ده معاكي
بصي أنا هاجيبهالك من الآخر.. ما فيش أي خسارة هاتعوضك خسارة نفسك.. انت أهم حد وأهم حاجة في حياتك، وأنت أكبر وأهم من أي دراسة أو عمل أو أي خسارة، ولو انت موجودة هاتعوضي أي خسارة.. لكن خسارة نفسك هي الخسارة الحقيقية.
لو أنت موجودة هاتقدري تقبلي فشلك.. وتقدري تقومي وتقفي بعد الفشل وتكملي طريقك.. ولو انت موجودة وفشلت في تحقيق حلم.. هاتحاولي ثاني وثالث ورابع.. أو تشوفي ان الحلم ده يمكن مش مناسب لك؛ فتقرري تدوري على حلم ثاني.
أنا مبسوطة جدا انك واعية لاحتياجك للدعم.. ومبسوطة إنك كنت شجاعة وتواصلتي معانا.. ومحتاجاكي تكملي في البحث عمن يدعمك.. أنت فعلا محتاجة يانهى وهايفرق معاكي جدا.. انت محتاجة حد يسمعك ويحس بيكي وتشاركيه ألمك من غير مايعطيكي نصائح، ولا يحكم عليكي.. دوري حواليكي شوفي مين ممكن يقوم بالدور ده معاكي
