صحــــتك
30 ديسمبر 2019

ابنة الرابعة تعاني من التأتأة فجأة

ابنتي بعمر أربع سنين كانت بتتكلم كويس، فجأة بقت بتأتأ في الكلام، وتقولي أنا مش هتكلم علشان مش عارفة أتكلم، مش عارفة إيه إللي حصل؟ هي عندها حساسية جيوب أنفية، ومن أول تغيرات الجو قعدت من الحضانة عشان صحتها، وكانت كويسة بعدها بأسبوعين بالضبط حصلت التأتأة دي، ومش بتقعد في البيت على طول لا هي بتنزل تمرين كونغ فو.. مرتين في الأسبوع، وطول الأسبوع قاعدين في البيت هي وأنا وأخوها سنة ونص طول اليوم، حتى لو عملت حاجة وزعقتلها، وزعلت مني شوية، وبصالحها وأفهمها إيه الي حصل، وليه زعقتلها، وكنت زعلانة منها ليه.
ابنة الرابعة تعاني من التهتهة فجأة
العزيزة رحاب؛
"مش هتكلم عشان مش عارفة أتكلم"، هل يا ترى سمعت الجملة دي من إحدى المعلمات في الحضانة أو أحد أفراد العائلة؟ هل تزيد التأتأة مع أشخاص؟ أماكن؟ أوقات؟ مدة اللخبطة قد إيه؟ هل هي مجرد يومين تلاتة ولا أكتر من كده؟



في البداية بننصح لما نلاحظ سلوك اختلف في الطفل إننا نتجاهله، ونراقب من بعيد يا ترى هيقل مع الوقت ولا هيزيد؟ لو مع الوقت بيقل بنكمل تجاهل، وبالتجاهل أقصد تجاهل التعليق عليه كأنه مش موجود، والتجاهل من كل الناس اللي ممكن تعلق عليه زي البيت والحضانة والتمرين.

لو تطور وزاد فوقتها بننصح بزيارة طبيب نفسي/ أخصائي تخاطب للتقييم الشامل، ومعرفة السبب.. مع تحياتي.
آخر تعديل بتاريخ
30 ديسمبر 2019

قصص مصورة

Consultation form header image

هل تحتاج لاستشارة الطبيب

أرسل استشارتك الآن

 

  • ابحث على موقعنا عن إجابة لسؤالك، منعا للتكرار.
  • اكتب بريدك الإلكتروني الصحيح (الإجابة ستصلك عليه).
  • استوفِ المعلومات الشخصية والصحية المتعلقة بالحالة المرضية محل الاستشارة.
  • لن يتم إظهار اسمك عند نشر السؤال.

 

Age gender wrapper
Age Wrapper
الجنس
Country Wrapper

هذا الموقع محمي بواسطة reCaptcha وتنطبق عليه سياسة غوغل في الخصوصية و شروط الخدمة

This site is protected by reCAPTCHA and the GooglePrivacy Policy and Terms of Service apply.