دكتور أنا بخاف من اللمة جدا، ودايما بتهرب من التجمعات لإن بحس إنها مزيفة، وإنهم كلهم بيكذبوا علي بعض، وبيظهروا عكس إلي جواهم، وكمان علشان كتير التجمعات بتقلب خناقات. بحس إني في أمان وأنا في عزلة لوحدي، أنا مبعرفش أسأل علي حد، وبخاف من رنة التليفون جدا، وبحس إن في مصيبة هتحصل، أنا حتي بتجنب حضور المناسبات، دايما عندي إحساس بالذنب، وبخاف أضايق أي حد، وبحس إني مذنبة. أنا مش عارفة أتخلص من اللي أنا فية، ومش عارفه أتاقلم مع الناس تفكيري ومبادئي مختلفه. أوقات كتير بفصل عن الكل وببقي مش عاوزة أشوف حد. مش بعرف أفرح زي البنات، ودايما شايلة هم بكرة واللي ممكن يحصل. بحس إني دايما سند لأي حد يحتاجني بس أنا مش عارفه أسند علي حد ولا حتي أتكلم عن اللي جوايا مع حد
أتفهم جيداً صعوبة ما تصفينه.. فأنت تحتاجين إلى عمل علاقة مع الناس.. تحصلين فيها على ما تستحقين من حب واهتمام واحترام ورؤية وغيرها.. لكن الاقتراب من الناس بالنسبة لك يمثل خطراً شديداً.. خطر التعلق، وخطر الذوبان فى الآخر.. وخطر الفقد كذلك.. وذلك يجعلك تبعدين وتهربين من العلاقة سريعاً..
وعلى الجانب الآخر.. بمجرد البعد والهروب، تشعرين بالوحدة، والاحتياج للآخرين مرة أخرى، فالوحدة مخيفة، ومرعبة، ومؤلمة، وليس لها من حل سوى علاقات مع آخرين..
وتنتقلين بين هذا وذاك يا صديقتي، كبندول الساعة، الذي لا يثبت على حال.. سوى عدم الثبات..
آلاء..
تعانين من خلل فى نمط علاقتك بالآخرين.. له مسببات نفسية ومسميات عديدة.. لكنه فى كل الأحوال سيسبب لك حيرة شديدة، وألماً عظيماً لو لم يتم علاجه.. أنت تحتاجين لعلاج نفسي عميق يا آلاء.. يحميك ويحمي من حولك من نتائج ما تعانين منه، وتمارسينه مع نفسك ومع الناس..
توجهي الآن لأقرب طبيب نفسي تثقين به.. واطلبي منه عمل تقييم نفسي كامل، يتضمن تحديد سمات شخصيتك، ومن ثم البدء فوراً في العلاج الصحيح..
